Տելեպորտացիա
Տելեպորտացիան
նյութական իրերի վայրկենական փոփոխությունն է մի կետից մյուսը` առանց
ֆիզիկական ուժի կիրառման: Այսպիսի երևույթ գոյություն ունի բնության մեջ:
Իսպանական հին աղբյուրներից տեղեկանում ենք, որ 1593թ. հոկտեմբերի 25-ին,
Իսպանական Մեխիկո քաղաքում անսպասելիոր են հայտնվում է մի զինվոր, որի
զինվորական գունդը գտնվում էր Ֆիլիպիններում` Մեքսիկայից 9.000մլն
հեռավորության վրա: Զինվորին բռնեցին ու հանձնեցին ինկվիզիցիայի դատին:
Դատի ժամանակ նա ասաց, որ Մեխիկոյում հայտնվելուց առաջ նա պարեկային
ծառայության մեջ էր Ֆիլիպինների քաղաքապետի մոտ` Մանիլայում, որին, իր
աչքի առաջ, հենց նոր` դավաճանաբար սպանել էին: Թե ինքն ինչպե՞ս էր
հայտնվել Մեխիկոյում, զինվորը պատկերացում անգամ չուներ: Մի քանի ամիս անց
Ֆիլիպիններից նավով եկած մարդիկ հաստատեցին, որ զինվորի ասածները ճիշտ
էին, որ Ֆիլիպիններում սպանել էին քաղաքագլխին, և այլ մանրամասների մասին,
որ զինվորն ասել էր:
Միջնադարյան աղբյուրները պահպանել են նաև բավական տարօրինակ մի հոգևորական
կնոջ` Մարիայի մասին Ագրեդայից: Նա 1620-1631թթ. ֆիզիկապես վանքից դուրս
չէր եկել, սակայն, տելեպորտացիայի շնորհիվ` 500 անգամ Եվրոպայից հայտնվել
էր Ամերիկայում, որտեղ նույնիսկ յումա ցեղի հնդկացիներին կարողացել էր
քրիստոնեական հավատքի բերել: Իրենք` հնդկացիները, հայտարարել էին, որ
նրանք պարտական են ՙերկնագույն հագուստով՚ միանձնուհուն, որը նրանց համար
թողել էր խաչեր և եկեղացական այլ պարագաներ, որոնցից նրանք օգտվում էին
ծիսակատարությունների ժամանակ: Մարիայի պատմածները լիովին համընկնում էին
այն պատմությունների հետ, որոնց մասին պատմել էին հնդկացիները եվրոպացի
միսիոներ դե Բենվիդեսին: Մարիան մանրամասն դետալներով նկարագրում էր
հնդկացիների հագուստներն ու սովորույթները: Քույր Մարիայի` Ամերիկայում
լինելը փաստաթղթերով հաստատում էին իսպանացի կոնկիստադորները, որոնք
Ամերիկայում էին, ինչպես նաև հնդկացիների տարբեր ցեղախմբերը:
Տելեպորտացիա գոյություն ունի նաև կենդանական աշխարհում: Օրինակ` ատտա
մրջյունների էգերը, որոնք հսկաներ են, ուտում են և բազմանում, կարող են
տելեպորտացիայի միջոցով վտանգի դեպքում վայկենաբար հայտնվել իրենց
մրջնանոցից մի քանի տասնյակ մետր հեռավորության վրա գտնվող այլ ապահով
մրջնանոցում:
...Հիշու՞մ եք Ն. Գոգոլի ՙԵրեկոները Դիկանկա խուտորի մոտ՚
ստեղծագործությունը, որում դարբին Վակուլան սատանային հեծած
(տելեպորտացիայով) հասավ Պետերբուրգ...
ՄԱՐԴԱԿԵՐՆԵՐԸ`
ԵՎՐՈՊԱՅՈՒՄ
Ֆրանսիայում
գտնվող
Բորդոյի համալսարանի գիտնականները պնդում են, որ 7 հազար տարի առաջ
մարդակերներ են այցելել Եվրոպա: Նման եզրակացության են հանգել`
ուսումնասիրելով Գերմանիայում գտնված 500 մարդկանց մնացորդները: Ինչպես
ցույց են տվել հետազոտությունները` այդ բոլոր մարդիկ եղել են մարդակերների
զոհը: Դրա մասին են վկայում նրանց ոսկորների վրա առկա մարդկային ատամների
հետքերը: Բայց դա ամենասարսափելին չէ: Մարդաբանները պնդում են, որ
մարդակերությունը այդ ժամանակներում պատահական երևույթ չէր: Ընդհակառակը,
մարդակերությունը պարզապես ծաղկում էր: Այնպես որ սարսափելի գտածոն կարող
է վերջինը չլինել: Մնում է ավելացնել, որ մարդակերությունը
Եվրոպայում
տարածված է եղել և ավելի ուշ, ճիշտ է` ոչ նման մասշտաբով: Բավական է
հիշեցնել, որ Վերածննդի դարաշրջանի հայտնի բժիշկ և գիտնական Պարացելսը
մարդկանց բոլոր հիվանդությունների լավագույն դեղամիջոց էր համարում մարդու
միսը: Փառք Աստծո, որ այդ կասկածելի ենթադրությունը չի հաստատվել:
Քրոնիկ (շարունակական) հիվանդությունները
մարդուն ծերացնում են 20-30 տարով
ԱՄՆ-ում
քրոնիկ հիվանդությունները տանջում են մոտավորապես 75 մլն մարդու: 50-59
տարեկանների խմբում փորձարկման մասնակիցների (ովքեր քրոնիկ հիվանդներ չեն)
37 %-ը կարող է առանց խնդրի 1.5 կմ վազել, իսկ 91 %-ը` մի քանի թաղամաս
անցնել: Քրոնիկ հիվանդությամբ տառապողների միայն 9%-ն է կարողացել 1.5 կմ
վազել, իսկ քայլել կարողացել են միայն 50%-ը: Համեմատության համար` 80-89
տարեկան քրոնիկ հիվանդություն չունեցողներից, առանց որևէ ցավ զգալու, 1.5
կմ վազել են 4%-ը, իսկ 55%-ը անշտապ քայլել են մի քանի թաղամաս: Այս
տվյալները վկայում են, որ քրոնիկ հիվանդությունները մարդուն ֆիզիկապես
ծերացնում են 20-30 տարով: Որպես կանոն, նրանցով տառապում են միջին և ծեր
տարիքի մարդիկ: ԱՄՆ-ում` 75 մլն: Նրանցից 25 մլն-ին տանջում է միգրենը,
իսկ յուրաքանչյուր 6-րդը տառապում է առիթմիայով: Հետազոտողները գտնում են,
որ քրոնիկ հիվանդությունների դեմ պետք է պայքարել ֆիզիկական
վարժությունների օգնությամբ: Բնականաբար, բժշկական օգնությունից չպետք է
հրաժարվել:
|