|
Գլխավոր էջ » 2010 » Մարտ » 12 » ԹՎԱՅԻՆ ՀԵՂԱՓՈԽՈՒԹՅՈՒՆԸ «ՎԵՐԱՄՈՆՏԱԺԵԼ Է» ԵՐԵԽԱՆԵՐԻ ՈՒՂԵՂՆԵՐԸ
17:15 ԹՎԱՅԻՆ ՀԵՂԱՓՈԽՈՒԹՅՈՒՆԸ «ՎԵՐԱՄՈՆՏԱԺԵԼ Է» ԵՐԵԽԱՆԵՐԻ ՈՒՂԵՂՆԵՐԸ |
ԹՎԱՅԻՆ ՀԵՂԱՓՈԽՈՒԹՅՈՒՆԸ «ՎԵՐԱՄՈՆՏԱԺԵԼ Է» ԵՐԵԽԱՆԵՐԻ ՈՒՂԵՂՆԵՐԸ
«Ինտերնետի
պատճառով երեխաներն ու դեռահասները կորցնում են կենտրոնանալու
ընդունակությունն ու տարբեր հիվանդությունների ենթակա դառնում», հայտնում
է «Daily Mail»-ը: Մեծ Բրիտանիայի համալսարանական քոլեջներից մեկի
գիտնականները հայտնում են` թվային հեղափոխությունը ՙվերամոնտաժել՚ է
երեխաների ու դեռահասների ուղեղները: Թեև նրանք կարողանում են միաժամանակ
մեծ քանակությամբ խնդիրներ լուծել, բայց դրա դիմաց վճարում են`
ուշադրությունը կորցնելով և կենտրոնանալ չկարողանալով: ԱՄՆ-ում,
վիճակագրության համաձայն, յուրաքանչյուր տասներորդ երեխան տառապում է
ինտերնետի կախվածությունից: Հարավային Կորեայում, որտեղ ի հայտ են եկել
այդ հիվանդության ավելի վառ դրսևորումներ, ինտերնետ-սրճարանում արդեն
գրանցվել է սրտի կանգի 10 և սպանության 1 դեպք: Հարավ Արևելյան Ասիայում
բուժման համար արդեն ոչ մարդասիրական մեթոդներ են կիրառում: Այսպես,
օրինակ, ՙՊեկինյան կենտրոնում՚ ինտերնետային կախվածությամբ հիվանդներին
բուժում են զինվորական կարգուկանոնով:
ԳԵՆԱՅԻՆ ՎԵՐԱՓՈԽՎԱԾ
ԱՅԾԵՐԸ ՏՎԵԼ ԵՆ ԿԱԹԻ ԱՌԱՋԻՆ ԼԻՏՐԵՐԸ...
Բելոռուսի
կենդանաբանության ինստիտուտում ռուս գիտնականների հսկողությամբ պահվող
այծերը տվել են կանացի կաթի առաջին լիտրերը: Ավելի ճիշտ, կաթի հիմքը:
Գիտնականները գտնում են, որ այն պարունակում է մարդկային անգնահատելի
լակտոֆերինոմ սպիտակուց: Մարդկային գենով Լակ-1 և Լակ-2 երկու այծիկները
ծնվել էին 2007թ. Բելոռուսի Ժոդինո քաղաքի կենդանաբանության ինստիտուտում:
Այծիկների մարմնում ներդրվող գենային կառուցվածքները ստեղծվել էին
Մասկվայում: Հետազոտությունները ցույց են տվել, որ նրանց տված կաթի մեջ
լակտոֆերինը լիտրում մոտ 5% է. քիչ չէ կնոջ կաթից:
2005 թ.
ԵՐԿՐԱԳՈՒՆԴԸ ԿԱՆԳ ԷՐ ԱՌԵԼ
Ռուս
աստղագետները երկրի առանցքի պտույտի տատանումների նոր ցիկլ են
հայտնաբերել: Նրանք բացահայտել են, որ այսպես կոչված Չենդլերի
տատանումների ամպլիտուդան 75 տարին մեկ հասնում է մինչև զրոյի, իսկ հետո
նորից աճում է, բայց արդեն` նոր փուլով: Վերջին անգամ այդ իրադարձությունը
2005թ. է տեղի ունեցել: Չենդլերի տատանումները (որն այսպես է կոչվում
1891 թ. այն հայտնաբերող աստղագետ Չենդլերի անունով) իրենցից ներկայացնում
են բևեռների կարգի խախտում 433 օրով` երկրի պտույտների ժամանակ: Այդ
տատանումների թափ առնելու ժամանակ ամպլիտուդան 15 մ է: Չենդլերի տատանման
պատճառները մինչ օրս ճշտորեն հայտնի չեն, բայց գիտնականները ենթադրում են,
որ այն կապված է օվկիանոսի և երկրի մակերևույթի փոփոխությունների
հետ:Ավելի վաղ աստղագետներին հայտնի էր, որ մոտավորապես 1920 թ. այդ
տատանումների ամպլիտուդան կտրուկ նվազել է, գործնականում զրոյի հասել,
հետո` նորից վերականգնվել, բայց արդեն` ուրիշ փուլում: ՙՄեր
հետազոտությունները ցույց տվեցին, որ բացի լավ հայտնի Չենդլերի
տատանումների փուլային թռիչքից (1920‑ներին), երկու այդպիսի
իրադարձություն է եղել 1850 և 2000 թթ՚,- ասում են գիտնականները: Երկիրն,
ինչպես ցանկացած ֆիզիկական մարմին, ունի տատանումների սեփական
պարբերությունը: ՙԵթե երկրագնդին վերևից նայենք, ապա կերևա, որ պտտման
առանցքը Հյուսիսային բևեռի շուրջը որոշ չափով նեղ է՚,- ասել է գիտնականը:
Նրա խոսքերով` այդ տատանումները մի քանի բաղադրիչներ ունեն, որոնց
ամպլիտուդան միանման է, իսկ Չենդլերային շարժումը փոփոխվում է: 1920 թ.
երկրորդ կեսին ամպլիտուդայի կտրուկ փոփոխություն է եղել. այն ընկել է
մինչև զրո: Հետո նորից մթնոլորտային երևույթների ազդեցության տակ այդ
տատանումները նոր փուլ են մտել: Բոլոր այդ իրողությունները բավական հստակ
պարբերականություն ունեն` 70‑75 տարի: Խնդիրը նրանում է, որ առաջին
իրադարձությունը 19-րդ դարի կեսին էր, երբ դիտումների ճշտությունը բարձր
չէր, իսկ թիվը` քիչ: Աստղագետների մեծ մասը կարծում է, թե երկրի առանցքի
տատանումները մթնոլորտային երևույթների և օվկիանոսների նշանակալի
փոփոխությունների արդյունք են: Հաջորդ քայլն այն է, որ պետք է
բացատրել` ի՞նչ է կատարվում մթնոլորտում և օվկիանոսում: Անհրաժեշտ է
ֆիզիկոսների աջակցությունը: Հնարավոր է` պարզվի նաև կլիմայի
փոփոխություններն այդ ժամանակահատվածում..
|
Դիտումներ: 706 |
Ավելացրեց: karoline2010
| - Վարկանիշ -: 0.0/0 |
Մեկնաբանություններն ընդամենը՝: 0 | |
|
|
|
|
|
Օրացույց |
|
| « Մարտ 2010 » | Երկ | Երք | Չոր | Հնգ | Ուրբ | Շաբ | Կիր | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 |
| |
|