Չափում ենք երկարությունը. Չափազանց
երկար եղունգներն արդեն մնացել են անցյալում: Այժմ նորաձև են կարճ
խնամված եղունգները: Եղունգի առավելագույն երկարությունը պետք է
լինի ոչ ավել, քան եղունգի հարթակի 1/3-ը: Եթե եղունգները դարձել են
փխրուն, կարող եք օգտագործել կալցիումով ու ցինկով հարուստ
վիտամիններ կամ քսել ամրացնող լաք: Հասարակ միջոց է նաև լիմոնը:
Այն կիսեք 2 մասի, եղունգները դրեք դրանց մեջ ու թողեք 20 րոպե
(միջինը` շաբաթվա մեջ 1 անգամ): Այն եղունգները դարձնում է ավելի
ամուր ու գեղեցիկ:
Ընտրում ենք ձևը.
Եթե Դուք պատրաստվում եք ոչ թե դիմակահանդեսի, այլ աշխատանքի,
ապա խուսափեք քառակուսի ու եռանկյունի ձևերից: Լավագույն
տարբերակը եղունգների ազատ ծայրն է, որը կրկնապատկում է
ուրվագիծը: Եղունգը խարտեք միայն մի ուղղությամբ` այդպիսով
կխուսափեք եղունգների շերտավորումից: Երբեք եղունգը մի խարտեք
կողքերից:
Խնամում եք
կուտիկուլաները. Եթե Դուք անհաջող մանիկյուր եք արել,
Ձեր կուտիկուլաները կսկսեն աճել անհավասարաչափ: Որպեսզի
հետագայում խուսափեք նման խնդիրներից, մեկ անգամ արեք լավ
մանիկյուր, որից հետո սկսեք օգտագործել հատուկ փափկեցնող
միջոցներ: Այն քսեք Ձեր կուտիկուլաներին և շարժեք: Այդպես Դուք
կդանդաղեցնեք դրանց աճն ու երկար կպահպանեք Ձեր մանիկյուրը:
Ձեռքի մաշկը մերսեք փափկեցնող քսուքներով: Ձեռքերի մատները
շարժեք` իրար մեջ մտցնելով: Մի մոռացեք նաև արմունկների մասին:
Մերսելով` Դուք կնկատեք, որ կվերանան անհարթությունները,
մատները կդառնան նրբագեղ, մաշկը` փափուկ, իսկ եղունգները կստանան
բնական երանգ ու փայլ:
ՈՐՈՇԵՔ
ՀԻՎԱՆԴՈՒԹՅՈՒՆՆԵՐԸ ՁԵՐ ԵՂՈՒՆԳՆԵՐԻ ՄԻՋՈՑՈՎ
Մարդուն նայելով` կարելի է հասկանալ`
արդյոք նա իրեն լա՞վ է զգում: Նրա ինքնազգացողության մասին վկայում են
քայլվածքը, հայացքը, մաշկի գույնը, մազերը, ատամները... Ոչ
պակաս կարևոր են նաև եղունգները... Նույնիսկ բժիշկ չլինելով`
հեշտ է գուշակել, որ, օրինակ, խորը ակոսներով եղունգները կարող են
լինել վատ նյութափոխանակության արդյունք: A, E, C վիտամինների
անբավարարության պատճառով եղունգները սկսում են շերտավորվել և
կոտրվել: Դրան կարող է նպաստել նաև երկաթի, ցինկի, կալցիումի և
սելենի պակասը և որոշ մաքրող ագրեսիվ միջոցների
ներգործությունը: C վիտամինի պակասից եղունգների վերին
հատվածի վրա կարող են նկատվել շագանակագույն լաքաներ: Եղունգների
վրա առաջացած ակոսները խոսում են այն մասին, որ օրգանիզմում կա
սպիտակուցի լուրջ պակաս կամ քրոնիկ բորբոքման աղբյուր: Լայնակի
ակոսները հաճախ ի հայտ են գալիս ինֆեկցիոն հիվանդության, ծանր
սթրեսի, վիրահատության կամ երկարատև դիետայի հետևանքով: Եղունգների
վրա կարող են ի հայտ գալ նաև սպիտակ կետիկներ ցինկի
անբավարարության կամ արյան մեջ շաքարի պակասի պատճառով: Եթե
դրանք որոշ ժամանակ անց չեն անցնում, անհրաժեշտ է ուշադրություն
դարձնել սիրտ-անոթային համակարգին: Եղունգի գույնը նույնպես իր
նշանակությունն ունի (եթե այն չի առաջացել ծխելու հետևանքով):
Եղունգի դեղնելը խոսում է երիկամի և լեղապարկի հիվանդության
մասին, իսկ եղունգների շերտերի փափկացումն ու մուգ գույնը
սակավարյունության և մատների ծայրերին արյան վատ մատակարարման
ապացույցն է: Իհարկե, թվարկված ախտանիշները շատ պայմանական են,
ամեն դեպքում պետք է դիմել մասնագետի: Այս ամենը միայն
կողմնորոշման համար է, որպեսզի առավել ուշադիր լինենք ինքներս
մեզ վրա...
սկսեք օգտագործել հատուկ փափկեցնող
միջոցներ: Այն քսեք Ձեր կուտիկուլաներին և շարժեք: Այդպես Դուք
կդանդաղեցնեք դրանց աճն ու երկար կպահպանեք Ձեր մանիկյուրը:
Ձեռքի մաշկը մերսեք փափկեցնող քսուքներով: Ձեռքերի մատները
շարժեք` իրար մեջ մտցնելով: Մի մոռացեք նաև արմունկների մասին:
Մերսելով` Դուք կնկատեք, որ կվերանան անհարթությունները,
մատները կդառնան նրբագեղ, մաշկը` փափուկ, իսկ եղունգները կստանան
բնական երանգ ու փայլ: 
Մարդուն նայելով` կարելի է հասկանալ`
արդյոք նա իրեն լա՞վ է զգում: Նրա ինքնազգացողության մասին վկայում են
քայլվածքը, հայացքը, մաշկի գույնը, մազերը, ատամները... Ոչ
պակաս կարևոր են նաև եղունգները...