Գլխավոր էջ » 2011 » Հունվար » 21 » «ԵՍ ՈՒԶՈՒՄ ԵԻ ՄԵՌՆԵԼ...» ԼՈՒՍԱՆԿԱՐՆԵՐ, ՈՐՈՆՔ ԱԼԵԿՈԾԵՑԻՆ ՈՂՋ ԱՇԽԱՐՀԸ
22:04
«ԵՍ ՈՒԶՈՒՄ ԵԻ ՄԵՌՆԵԼ...» ԼՈՒՍԱՆԿԱՐՆԵՐ, ՈՐՈՆՔ ԱԼԵԿՈԾԵՑԻՆ ՈՂՋ ԱՇԽԱՐՀԸ
ՙԵՍ ՈՒԶՈՒՄ ԵԻ ՄԵՌՆԵԼ...՚ ԼՈՒՍԱՆԿԱՐՆԵՐ, ՈՐՈՆՔ ԱԼԵԿՈԾԵՑԻՆ ՈՂՋ ԱՇԽԱՐՀԸ
Լուսանկարիչ Նիկ Յուտը լուսանկարել է մի վիետնամացի աղջնակի, որը փախչում էր պայթող նապալմե (դոնդողաձև բենզինով) ռումբերից: Հենց այս լուսանկարը ստիպեց աշխարհին մտածել Վիետնամի պատերազմի մասին: 1972 թվականի հունիսի 8-ին արված 9 տարեկան Կիմ Ֆուկի լուսանկարը նույնպես ընդմիշտ մնաց պատմության մեջ: Առաջին անգամ Կիմը տեսել է այս լուսանկարը 14 ամիս անց Սայգոնի հիվանդանոցում, որտեղ նա բուժվում էր սարսափելի այրվածքներից: Կիմը դեռ հիշում է, թե ինչպես էր նա ռմբակոծության օրը փախչում իր եղբայրներից ու քույրերից, և չի կարողանում մոռանալ ռումբերի պայթյունների ձայնը: Ինչ-որ զինվոր փորձում էր օգնել վառվող աղջկան` նրա վրա ջուր լցնելով, սակայն դա ավելի ծանրացրեց այրվածքները: Լուսանկարիչ Նիկ Յուտը օգնեց աղջկան և տարավ նրան հիվանդանոց: Սկզբում լուսանկարիչը տատանվում էր հրատարակել մերկ աղջկա լուսանկարը, բայց հետո որոշեց, որ աշխարհը պետք է տեսնի այդ դաժան պատկերը: Հետագայում լուսանկարը համարվեց XX դարի լուսանկարներից լավագույնը: Նիկ Յուտը փորձում էր փրկել Կիմին ավելորդ համբավից, սակայն 1982 թվականին, երբ աղջիկը սովորում էր բժշկական համալսարանում, վիետնամական կառավարությունը գտել էր նրան, և այդ պահից Կիմը օգտագործվում էր քարոզչության նպատակով: ՙԵս գտնվում էի մշտական վերահսկողության ներքո: Ես ուզում էի մեռնել, այդ լուսանկարը հետապնդում էր ինձ՚,– ասում է Կիմը: Հետագայում նա կարողացավ փախչել Կուբա` ուսումը շարունակելու համար: Այնտեղ նա հանդիպեց իր ապագա ամուսնուն: Նրանք միասին տեղափոխվեցին Կանադա: Տարիներ անց նա վերջապես հասկացավ, որ չի կարող փախչել այդ լուսանկարից և որոշեց այն և իր հանրաճանաչությունվ օգտագործել` հանուն խաղաղության պայքարի:
Լինա Մեդինան (ծնվ. 1933թ. սեպտեմբերի 27-ին, Պերու), ծննդաբերեց 5 տարի 7 ամսական հասակում: Այդ պահին նա ամենաերիտասարդ մայրն էր բժշկության պատմության մեջ: Ճիշտ է, նման երևույթ արձանագրվել է նաև Ռուսաստանում: Լինային ծնողները հիվանդանոց են տարել որովայնը մեծանալու պատճառով: Ըստ սկզբնական վարկածների` նա ուռուցք ուներ, բայց շուտով բժիշկները հայտնաբերեցին, որ նա յոթ ամսական հղի է: Մեկ ու կես ամիս անց, 1939թ. մայիսի 14-ին, Լինան կեսարյան հատումով մի տղա ունեցավ: Երեխան 2,7 կիլոգրամ քաշ ուներ: Տղան մեծացել է մտածելով, որ Լինան իր քույրն է, սակայն 10 տարեկանում իմացավ ճշմարտությունը: Նա առողջ մեծացավ, բայց մահացավ 40 տարեկանում, ողնուղեղի հիվանդության պատճառով: Երբեք փաստագրված չի եղել, թե ինչպես է հղիացել Լինա Մեդինան: Նա երբեք չի ասել, թե ով է երեխայի հայրը, միշտ մերժել է հարցազրույց տալ:
Մալկոմ Բրաունին` նյույորքցի 30‑ամյա լուսանկարչին (Associated Press), զանգահարել են և խնդրել մյուս օրն առավոտյան լինել Սայգոնի խաչմերուկում, քանի որ պետք է տեղի ունենա ինչ-որ շատ կարևոր իրադարձություն: Նա գնաց այնտեղ ՙThe New York Times՚-ի թղթակիցների հետ: Շուտով մոտեցավ մի մեքենա, որտեղից դուրս եկան մի քանի բուդդայական վարդապետներ: Նրանցից մեկը` Չիչ Քյանք Դուկը, նստեց լոտոսի դիրքով` մեկ տուփ լուցկին ձեռքում, իսկ մյուսները սկսեցին նրան ջրել բենզինով: Նա վառեց լուցկին և վերածվեց կենդանի ջահի: Ի տարբերություն ողբացող ամբոխի` նա ոչ մի ձայն չարձակեց: Չիչ Քյանք Դուկը նամակ էր գրել վիետնամական կառավարության ղեկավարին բուդդիստների դեմ ուղղված ճնշումները դադարեցնելու խնդրանքով, սակայն այդպես էլ ոչ մի պատասխան չէր ստացել: