|
ԳՈՒԴԻՆԻԻ ՀԱՅՏՆԻ ՀՆԱՐՔԸ
Գ արի Գուդինիի իսկական անու- նը Էրիկ Վայս է: Նա ծնվել է 1874 թ. Հունգարիայում և փոքր տարիքում տեղափոխվել է Միացյալ Նահանգներ: Նա դարձել է հայտնի աճպարար, որը ցուցադրում էր իր ապշեցուցիչ ունակությունները: Առավել խորհրդավոր հնարքը Գուդինին արել էր իր մահվան մահճում: Նա խոստացել էր, որ հանդերձյալ աշխարհից իր կնոջը` Բեսսին, հաղորդագրություն է ուղարկելու. ՙՌոզաբելլա՛, հավատա՛՚: Այն կփոխանցվի կոդավորված բառերով, որոնք աճպարարն օգտագործում էր աճպարարություն ցուցադրելիս` մտքերը տարածության վրա կարդալու ժամանակ: Գուդինին մահացել է Հելոուինում 1926 թ. հոկտեմբերի 31-ին: 1929 թ. հունվարին մեդիում Արթուր Ֆորդը տրանսի վիճակում իր հոգևոր ուսուցչի ու առաջնորդի` Ֆլեթչերի միջոցով ասել էր. ՙՌոզաբելլա՛, պատասխանի՛ր, ասա՛ ինձ, աղաչում եմ... պատասխանի՛ր, տե ՛ս, ասա՛ ինձ, պատասխանի՛ր... պատասխանի՛ր, ասա՛ ինձ՚: Ցնցված Բեսսը տառ առ տառ արտասանել էր այն բառերը, որոնք նշանակում էին` ՙՌոզաբելլա՛, հավատա՛՚: Այս իրադարձության մասին հաղորդագրությունը տպագրվել էր ամբողջ աշխարհի թերթերի առաջին էջում: Բեսսը ստորագրել էր այն հայտարարության տակ, որը վավերացվել էր երեք մարդու, այդ թվում` հանրամատչելի ամսագրի խմբագրի տեղակալի կողմից: Այնտեղ ասվում էր. ՙԵս ուզում եմ հայտարարել, որ Արթուր Ֆորդի կողմից ինձ ուղարկված հաղորդագրությունն ամբողջապես ու բառերի համաձայնեցված հաջորդականությամբ այնպիսին է, ինչպիսին եղել է մեր նախնական պայմանավորվածությունը Գուդինիի հետ՚: Թերահավատները պնդում էին, որ Բեսսն ու Ֆորդը պայմանավորվել էին: Հետագայում Բեսսը հրաժարվել էր իր սեփական գրավոր հայտարարությունից և ընդհուպ մինչև իր մահը` 1943թ., շարունակում էր հերքել իր ամուսնու կողմից ստացած հաղորդագրության փաստը: Ետմահու հաղորդակցության պայմանավորվածությունը լավ չէր մտածված: Բեսսը գիտեր ապագա հաղորդագրության բովանդակությունը, ուստի նա կարող էր այն Ֆորդին փոխանցել հեռազգացության ճանապարհով: Ինչ վերաբերում է Ֆորդին, նա պարզապես կարող էր օգտագործել այս դեպքը իր անսովոր հեռազգացողական ունակությունները ցուցադրելու համար:
|
|
Օրացույց |
|
| « Ապրիլ 2024 » | Երկ | Երք | Չոր | Հնգ | Ուրբ | Շաբ | Կիր | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 |
| |
|