|
|
Գլխավոր էջ » 2010 » Ապրիլ » 6 » ԻՆՉՊԵ՞Ս ՀԱՇՏՎԵԼ ՍԻՐԵԼԻԻ ՀԵՏ
14:16 ԻՆՉՊԵ՞Ս ՀԱՇՏՎԵԼ ՍԻՐԵԼԻԻ ՀԵՏ |
ԻՆՉՊԵ՞Ս
ՀԱՇՏՎԵԼ ՍԻՐԵԼԻԻ ՀԵՏ
 Ե րբեմն հասունանում է այն պա հը,
երբ Ձեր սիրելին
ընդունում է այնպիսի որոշում, ինչպիսին բաժանումն է: Այնինչ, բոլորովին
վերջերս ամեն ինչ հիանալի էր`«Սեր ամբողջ կյանքի համար»: Նման ուժեղ
հարվածից հետո կինը կորցնում է ինքնակառավարումը, կյանքը կորցնում է իր ողջ
իմաստը, և որոշ ժամանակ անց Դուք հասկանում եք, որ առանց նրա չեք կարող:
Առաջինը, ինչ Դուք ցանկանում եք, սիրելիին զանգելն է` հաշվի չառնելով
վիրավորված ինքնասիրությունը, սակայն ինչ-որ բան հետ է կանգնեցնում:
Տանջանքները շարունակվում են, իսկ ելք դեռևս չկա: Ի՞նչ անել նման
իրավիճակում:
Գլխավորը` մի շտապեք հաշտություն կնքել, որքան էլ որ դա
ցանկանաք: Նրան ժամանակ տվեք, որպեսզի նա գիտակցի, թե ինչքան թանկ եք Դուք
նրա համար: Որոշ տղամարդիկ իրենց կորուստը գիտակցում են մի քանի ժամում,
մյուսները` մի քանի օրում: Մի շտապեք նրան զանգահարել, մի քիչ համբերեք:
Նման մարտավարությունը կաշխատի ի օգուտ Ձեզ:
Երբեք տղամարդուն մի
կանգնեցրեք ընտրության առաջ, այլապես Ձեր ճնշման տակ նա կարող է ինքն իրեն
կորցնել և ընտրել ոչ այն, ինչ Դուք էիք ցանկանում: Մի մեղադրեք և մի
խղճացեք նրան, մի տվեք հարցերի շարան այն մասին, թե ո՞րն է Ձեր բաժանվելու
պատճառը, և ինչու՞ է նա սառել Ձեր հանդեպ:
Հիշեք, եթե Դուք արտասվեք և
հիստերիա սարքեք, Դուք միայն խղճահարության կարժանանաք, և նա ուղղակի կգնա:
Շատ կարևոր է, որ նրա հետ խոսեք միայն հաճելի թեմաների մասին, այլ ոչ
թե այն իրավիճակների, որոնք վատ հուշեր են արթնացնում: Թող նա մտածի, որ
կյանքում եղել են նաև շատ երջանիկ օրեր, որը կստիպի նրան խորհրդածել, թե
ինչպես ետ բերել այդ ամենը;
Մեզ` կանանց մոտ, կան բնավորության հիանալի
գծեր. դրանցից մեկն է իմաստությունը: Օգտագործեք այն և պայքարեք Ձեր
երջանկության համար:
ԻՆՉՊԻՍԻ՞
ՏՂԱՄԱՐԴԿԱՆՑ ՄԱՍԻՆ ԵՆ ԵՐԱԶՈՒՄ ԿԱՆԱՅՔ
 Կանայք կարող են միայն ենթադրել, թե տղամարդիկ ինչպիսի կանանց
են ցանկանում տեսնել իրենց կողքին: Ի դեպ, միշտ չէ, որ ենթադրությունները
համապատասխանում են իրականությանը: Բայց դա պարզելու համար կարելի է հետևել
հոգեբանի խորհրդին, որին նա հանգել է` հաշվի առնելով բազմաթիվ կանանց
կարծիքներ: Ըստ այդմ` նա առանձնացնում է տղամարդկանց 5 տեսակ` հուսալի,
հավատարիմ, հոգատար, մեծահոգի, պաշտպան: Թե ինչպես են յուրաքանչյուր տեսակի
տղամարդիկ ներկայանում կանանց, կներկայացնենք ստորև:
Ի
տարբերություն մյուսների` ՀՈՒՍԱԼԻ
տղամարդիկ միշտ կնոջ կողքին են: Նույնիսկ եթե դուք վիճել եք, նա,
անտեսելով վիրավորանքը, կշտապի օգնության: Բացի այդ, նա չի տանջի տարբեր
հարցերով, քանի որ հենց առաջին հանդիպումից նա իր ձեռքը կվերցնի ողջ
պատասխանատվությունը, թե ու՞ր գնալ, ի՞նչ անել, ի՞նչ ուտել, ի՞նչ դիտել և
այլն: Իսկ երբ Դուք որևէ բան եք խնդրում նրան անել, նա շատ հստակ
պատասխանում է ՙայո՚ կամ ՙոչ՚: Առավել ևս, նա միշտ իր բառերի համար
պատասխանատու է. եթե որևէ բան է խոստանում, ապա կատարում է անպայման:
ՀՈԳԱՏԱՐ տղամարդը
հստակ գիտի,
թե ինչ բան է պարտքի զգացումը, ի դեպ` ոչ միայն կանանց հետ կապված: Նա
պատրաստ է հոգ տանել նաև Ձեր ծնողների և հարազատների համար` այդ
պարտականությունն ընդունելով շատ հանգիստ: Ի դեպ, դա արվում է ոչ թե նրա
համար, որ նա շատ լավ հարաբերության մեջ է Ձեր հարազատների հետ, այլ նրա
համար, որ նա շատ լավ հարաբերության մեջ է հենց Ձեզ հետ:
ՄԵԾԱՀՈԳԻ տղամարդիկ
ակտիվորեն
պայքարում են ՙարևի տակ՚ իրենց տեղի համար: Նա միշտ պաշտպանում է թույլերին
ու անպաշտպաններին, երբեք չի վախենում իրենից բարձր կամ իրեն հավասար
մարդկանց հետ կոնֆլիկտի մեջ մտնելուց: Եվ երբեք չի վիրավորում նրանց, ովքեր
թույլ են:
Մեզնից ո՞վ չի երազում ՊԱՇՏՊԱՆԻ մասին: Նախ և առաջ նման
տղամարդիկ որսորդ են և հսկիչ, հետո նոր` մնացածը: Նա երբեք կնոջն ու
ընտանիքին չի դնի հարվածի տակ (թեկուզ չնչին չափով): Պաշտպան տղամարդը
երբեք Ձեզ թույլ չի տա գնալ այնտեղ, որտեղ, իր կարծիքով, կարող է վտանգավոր
լինել, նա թույլ չի տա Ձեզ միայնակ մութ փողոցով տուն գնալ և կանգառում
կսպասի Ձեզ այնքան, որքան անհրաժեշտ է... Նա երբեք կոնֆլիկտ չի սարքի,
առավել ևս` նա կփորձի իրեն հանգստացնել և զիջումների գնալ:
Շատ
թերություններ կարող է կինը ներել տղամարդուն, եթե վստահ է նրա
հավատարմության մեջ: Իր բնույթով` ՀԱՎԱՏԱՐԻՄ
տղամարդուն ոչ ոք պետք չէ, բացի իր կնոջից: Ուստի կարելի է 100%-ով վստահ
լինել, որ նա ոչ միայն չի դավաճանի Ձեզ, այլ նաև չի էլ հետաքրքրվի դրանով:
Իսկ եթե տղամարդու մեջ կան բոլոր
այս
հատկանիշնե՞րը` հավատարիմ, հոգատար, հուսալի, մեծահոգի և պաշտպան:
Իսկ
դուք այսպիսի մեկին հանդիպե՞լ եք:
Հետաքրքիր է, արդյո՞ք գոյություն
ունեն նման տղամարդիկ:
ԾԽԵԼԸ ՈՐՊԵՍ
ՀԱՄԱՇԽԱՐՀԱՅԻՆ ԵՐԵՎՈՒՅԹ
Վտանգավորների
մեջ առա ջի՞նը
Բժիշկները միանգամայն լրջորեն ծխելն անվանում են
ամենաառաջին թմրադեղից թմրեցուցիչ կախվածությունը, որն առաջացել է դեռևս
հին ժամանակներում: Առաջին ծխողի պատկերը (մոտավորապես մ. թ. 600 թվականի
հնդկացի Մաիյան է, որը պատկերված է կավե ամանի վրա ու ծխում է ծխախոտի խիտ
շարքով տերևները) գտել են Գվատեմալայի տարածքում: Ծխախոտի հետագա
պատմությունը բոլորին հայտնի է` առաջին եվրոպացիները, ովքեր տարվել են
ծխախոտով, Կոլումբոսն ու նրա ուղեկիցներն էին, որոնք 1492թ. հայտնվեցին
Ամերիկայում: Ի դեպ, Եվրոպայում սկզբում ծխախոտն օգտագործում էին որպես
դեղամիջոց, որն անցկացնում է հոգնածությունն ու գլխացավը: Ֆրանսիայում
Եկատերինա Մեդիչիի կառավարման տարիներին ծխախոտն անվանում էին «թագահու
կանաչի փոշի»: Թագուհին սարսափելի միգրենով էր տառապում, և բժիշկները ուրիշ
միջոցների հետ նաև նրան առաջարկում էին քթախոտ` հոտոտելի ծխախոտ:
Միայն
16-րդ դարի երկրորդ կեսին Եվրոպայում սկսում են ծխախոտը «պաշտել» և
օգտագործել որպես «ժամանցի հիասքանչ միջոց»: Մի քանի դարերի ընթացքում այն
շատ երկրներում օրենքով արգելված էր և վտանգավոր էր համարվում: Օրինակ`
Ճապոնիայում և Թուրքիայում ծխողներին մարմնական պատիժների էին ենթարկում,
իսկ ծխելը կրկնելու դեպքում գործը հասնում էր մինչև մահապատիժ: Բայց և
այնպես, ծխախոտը տարածվեց: Ռուսաստանում ծխախոտի արգելքը հանեց Պետրոս
1-ինը, ով դրան հակվել էր Հոլանդիայում: 1697թ. նա թույլատրեց ծխել և
վաճառել ծխախոտը:
Իսկ ինչ՞ն է խնդիրը.
Ծխախոտի ակտիվ գործող նյութը
նիկոտինն է: Նիկոտինը 1809թ. առանձնացվեց և հետազոտվեց: Այն
Պորտուգալիայում Ֆրանսիայի դեսպան Ժան Նիկոյի պատվին այդպես կոչվեց, ով
1560թ. ծխախոտի տերևներ նվիրեց Եկատերինա Եդիչիին: Նիկոտինն, օրգանիզմ
հասնելով, առաջին հերթին ազդում է նյարդային համակարգի վրա: Նյութն արագ
մտնում է արյան մեջ և գլխուղեղի մեջ ընկնում է առաջին ումպը քաշելուց մեկ
վայրկյան անց: 20-30 րոպե անց խտությունը նվազում է, նիկոտինը «գնում է»
ուրիշ օրգաններ ու հյուսվածքներ: Նիկոտինն, ինչպես բոլոր դեղաբանական ակտիվ
նյութերը, օրգանիզմում իր «հավելման կետն» ունի և բնորոշ կազմավորումները:
Դրանք բջիջների վերևում ու ներքևում գտնվող սպիտակուցային մոլեկուլներն
են: Ծխախոտից գրգռվածություն, քաղցածություն, թվացյալ առույգություն,
սթրեսային իրավիճակներում հանգստություն, արագ անցնող, բայց` ուշադրության
կենտրոնացում և հիշողության կարճատև լավացում են զգում: Սրտի աշխատանքն
արագանում է, մեծանում է արյան ճնշումը, մաշկի ջերմաստիճանն իջնում է,
արյան մեջ ավելանում է որոշ հորմոնների, այդ թվում` ադրենալինի մակարդակը:
Ժամանակի
ընթացքում ծխողի օրգանիզմը «սովորում է» ներս մտնող նիկոտինի չափաբաժնին,
ավելի շուտ, ընդունիչներով «վարժվում են» նիկոտին ստանալուն: Կարելի է
ասել` նրանք «միշտ սպասում են» նոր չափաբաժնին, մշտապես գտնվում են գրգռված
վիճակում: Օրգանիզմը նիկոտինին ՙհարմարվում է», այնպես որ, նիկոտինի այն
քանակությունը, որն օգտագործում է մոլի ծխողը, նոր սկսելու դեպքում կարող է
թունավորում առաջացնել:
Բժշկական փաստ
Նիկոտինն իր թունավորությամբ
չի զիջում կատվաթթվին: Նիկոտինի մահացու չափաբաժինը մարդու վրա մահացու
ազդում է նույնքան ժամանակում, որքան ժամանակում` կատվաթթվի չափաբաժինը:
Մեկ ծխախոտը 6-8 գ նիկոտին է պարունակում, որից 3-4 մգ ընկնում է արյան
մեջ: 50-100 մգ նիկոտինը, բժիշկների հաստատմամբ, մահացու է, որը 1-2 տարվա
ընթացքում ծխած ծխախոտում է պարունակում: Ծխողին փրկում է այն, որ նա այդ
չափաբաժինը մաս-մաս է ստանում, ոչ թե՝ միանգամից: «Արգելված պտուղը միշտ
քաղցր է»: Նիկոտինը գիտնականների կողմից հայտնաբերված ամենահետազոտված
նյութերից է: Մարդու առողջության վրա նրա քայքայիչ ու բացասական
ազդեցությունն նապացուցված է: Բայց և այնպես, ծխողների թիվն աշխարհում ամեն
տարի ավելանում է, ծխողների տարիքը` երիտասարդանում: Դա հատկապես
վտանգավոր է, քանի որ նիկոտինն ընդունակ է արգելակել մարդու մտավոր ու
ֆիզիկական զարգացումը:
Այս հիմնախնդիրն այնքան լավ է հետազոտված, որ
գիտնականներն առաջարկում են ծխելու դեմ պատվաստանյութ ստեղծել: Անգլիայում
ծխողների համար պատվաստանյութ են մշակում: Պատրաստուկի համար մի քանի տարի է
անհրաժեշտ: Այժմ պատվաստանյութը, ապահովության համար, կլինիկական
փորձարկումների շրջանում է
|
|
Դիտումներ: 1501 |
Ավելացրեց: karoline2010
| - Վարկանիշ -: 0.0/0 |
| Մեկնաբանություններն ընդամենը՝: 0 | |
|
|
|
|
|
|
| Օրացույց |
 |
 | | « Ապրիլ 2010 » | | Երկ | Երք | Չոր | Հնգ | Ուրբ | Շաբ | Կիր | | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 |
| |
|
