|
Գլխավոր էջ » 2010 » Դեկտեմբէր » 11 » ԻՆՉՊԵՍ ՊԱՐԶՎԵՑ` ԻՍՊԱՆԱՑԻ ԾՈՎԱԳՆԱՑ ՔՐԻՍՏԱՓՈՐ ԿՈԼՈՒՄԲՈՍԸ «ԴԱԺԱՆ ԲՌՆԱԿԱԼ» ԷՐ
19:13 ԻՆՉՊԵՍ ՊԱՐԶՎԵՑ` ԻՍՊԱՆԱՑԻ ԾՈՎԱԳՆԱՑ ՔՐԻՍՏԱՓՈՐ ԿՈԼՈՒՄԲՈՍԸ «ԴԱԺԱՆ ԲՌՆԱԿԱԼ» ԷՐ |
|
| ԻՆՉՊԵՍ ՊԱՐԶՎԵՑ` ԻՍՊԱՆԱՑԻ ԾՈՎԱԳՆԱՑ ՔՐԻՍՏԱՓՈՐ ԿՈԼՈՒՄԲՈՍԸ «ԴԱԺԱՆ ԲՌՆԱԿԱԼ» ԷՐ
Նման
եզրակացություն են արել Իսպանիայում հրապարակված Կոլումբոսի կյանքի մասին`
նախկինում անհայտ նյութերի ուսումնասիրությունների հեղինակները: ՙՀետաքննությունը,
որի արդյունքում Կոլումբոսը զրկվել էր իրենով բացահայտված գաղութների
փոխարքայի ու նահանգապետի կոչումից, թագավորական զույգի հրամանով վարում էր
Ֆրանցիսկո Բոբադիլյան` ասպետական շքանշանի ղեկավարը՚,– ասվում է
ուսումնասիրությունների մեջ: Բոբադիլյան ներկայացնում է 22 իսպանացիների
վկայությունները, որոնք Կոլումբոսին և իր եղբայրներին մեղադրում են
աննախադեպ դաժանության մեջ ինչպես բնիկների, այնպես էլ իսպանացիների
նկատմամբ: ՙԲռնապետն ու բռնակալը ինքն էր կատարում արդարադատությունը`
մահապատժի էր ենթարկում առանց դատավարության, խոշտանգում էր, սովի էր
մատնում իր հայրենակիցներին և նույնիսկ թույլ չէր տալիս մկրտել բնիկներին,
քանի որ դա խոչընդոտ էր ստեղծում վերջիններիս ստրուկ դարձնելու
ճանապարհին՚,– մեջբերում են հետազոտողները: Նրանք նշում են, որ ՙզայրույթի պահին Կոլումբոսը մահացու ծեծի էր ենթարկել իր փեսային՚: Վկայությունների մեջ խոսվում է Կոլումբոսի դեմ հաճախակի բողոքների մասին: 1500
թվականին Կոլումբոսն ու իր եղբայրները ձերբակալվել են և կապանքների մեջ
վերադարձվել են Իսպանիա, սակայն հետագայում թագավորական զույգը նրան ներում
էր շնորհել` թագին մատուցած ծառայությունների համար: Շատ պատմաբաններ,
որոնք տեղեկություն չունեին հետաքննության նյութերի մասին, մինչ այժմ
կարծում էին, որ Կոլումբոսի և իր եղբայրների ձերբակալությունը տեղի է
ունեցել կեղծ մատնությամբ: Կոլումբոսը, որը ներումից հետո ևս մեկ անգամ եղել է Ամերիկայում, 1506 թ. աղքատության մեջ մահացել է Իսպանիայում:
ՆՅՈՒ ՅՈՐՔՈՒՄ ՀՆԱԳՈՒՅՆ ՆԱՎ Է ՀԱՅՏՆԱԲԵՐՎԵԼ
Նյու
Յորքի Համաշխարհային առևտրի կենտրոնի վայրում, որտեղ 2001 թվականի
սեպտեմբերի 11-ին տեղի էր ունեցել ահաբեկչական հայտնի հարձակումը,
մաքրություն իրականացնող բանվորները հնագույն նավի կմախքի մնացորդներ են
հայտնաբերել: Հին փայտե նավի կմախքը գտնվում էր 9 մետր խորության վրա: Այդ
արտասովոր իրը հայտնաբերելու վայրում անմիջապես հավաքվել են հնէաբաններն ու
պատմաբանները: Մասնագետները գտնում են, որ բեռնանավը թաղվել էր այդ
վայրում դեռ XVIII դարում` Մանհեթթեն կղզու տարածքի ընդլայնման
աշխատանքների ընթացքում: Նավը եղել է հողի տակ 200 տարի, և իր 10 մետրանոց
կմախքը բավականին փխրուն է: Հնէաբանները ստիպված են նավը հանել ձեռքերով
փորելով` լրացուցիչ հետազոտություններ անցկացնելու և նավի տարիքը պարզելու
համար: Նավի կմախքից ոչ հեռու հայտնաբերվել է 45 կիլոգրամանոց խարիսխը:
Այժմ մասնագետները փորձում են պարզել այդ խարսխի պատկանելությունը
հայտնաբերված նավին |
|
Դիտումներ: 1353 |
Ավելացրեց: karoline2010
| - Վարկանիշ -: 0.0/0 |
Մեկնաբանություններն ընդամենը՝: 0 | |
|
|
|
|
|
Օրացույց |
|
| « Դեկտեմբէր 2010 » | Երկ | Երք | Չոր | Հնգ | Ուրբ | Շաբ | Կիր | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 |
| |
|